 |
Uztaila-2010 Orklik Municheko Intersolar Azokako 2010eko edizioan hartu du parte erakusketari gisa Alemanian, ekainaren 9tik 11ra bitartean egin duten Municheko Intersolar Azokan Orklik erakusketari gisa parte hartu duen lehen aldian den arren, aukera ona izan da energia berriztagarrien sektorerako dituen osagaien gama aurkezteko. Gainera, Orklik eskaintzen dituen produktuetan interesatuta, haren standera gerturatu diren Austriako, Suitzako, Alemania hegoaldeko eta abarretako bisitariekin harremanak finkatzeko aukera ona izan da. Aurkeztutako produktuen artean, DRAIN-UNIT drainadura-sistemarako demoak ikusmin eta interes handia sortu du, baina hauek ere aipa ditzakegu: multzo hidraulikoetako gama zabalak, zonaldeko balbulak eta galdaretan aplika daitekeen eguzki-kitak. |
 |
 |
Ekaina-2010 Talde nagusiek Orkliren aldeko apustua egiten jarraitzen dute profesionalak prestatzeko. Orklik Termalderekin (Termoclub Taldeko banaketa-etxea) batera egin du lan "energiaren eragingarritasunera eta instalazioen kudeaketa hobera zuzendutako VI. jardunaldi teknikoetan". Aipatutako prestakuntza-jardunaldia Gasteizko Barceló hotelean egin zuten. Sektore horretako 60 profesional inguru elkartu dira han “Berokuntza-sistemak eguzkiaren energia termikoaren bidez eta zoru erradiatzaileko sistemetara egokitzea" izenburuarekin. Bertaratutakoek Orkliko teknikari adituek eskainitako erantzunak jaso dituzte sistema mota horiek obra berrietan nahiz birgaitze-lanetan erabiltzetik eratorritako gaien inguruan. Orklik, eguzki-sistemetarako eta zoru erradiatzaile-freskagarrirako osagaiak fabrikatzen dituenez, Termaldek abian jarritako ekimena eskertu nahi du. Termalderen filosofiaren oinarria Orkliren moduko fabrikatzaileek garatzen dituzten aurrerapenak bezeroei jakinaraztea da; horren guztiaren helburua ekipamenduen konfortik handiena lortzeko energiaren eragingarritasuneko mailarik handiena eta ingurumenerako ekarpenik handiena lortzea da. Parte-hartzaile guztiei, opari gisa, afari bat eta Kanariar uharteetara joateko bidaiaren zozketan parte hatzeko aukera eman zaie. |
|
 |
Maiatza-2010 2010ko maiatzaren 15ean Bartzelonan ospatutako InstalMat erakusketan aurreikuspen guztiak gainditu dira. Berrikuntza eta eraginkortasuna oinarri izan dituen InstalMat erakusketari, non, Orklik erakusketari moduan parte hartu duen, 10.000 profesional baino gehiagoren bisitarekin eman zaio amaiera. Gaur egungo egoera ezagututa ere, aurkeztu diren berrikuntzak bertatik bertara ikusteko asmoz sektoreko hainbat profesional Orkliko standera hurbildu ziren, guztira 250tik gora erregistratuta. Berrikuntza horiek, energia kosteak gutxitzen eta aldi berean beraien sektorean lehiakorrak izaten lagunduko die. Orklik eguzki-sistemetako eskaintzak aurkeztu zituen eta beraien artean drain-unit drainatze-unitatea nabarmendu zen. Sistema horrek eguzki-kolektoretako gain-tenperaturak eta izozteak ekiditen ditu. Produktu horrekin, Orkli Produktu Saria 2010erako hautagaia da. Web orriaren bitartez 2000 profesionalek bozkatu dute eta irabazlea nor izango den ekainean erabakiko bada ere, lehen fasean aukeratua izan da. Produktu horrekin batera, Orkliko katalogoko eguzki-sistemetako osagaien gama aurkeztu zuen: multzo hidraulikoak, zonako balbulak eta abar. Horiez gain, modu berezi batean aurkeztu zuen andela integratua duen eguzki plaka. Eguzki plaka termiko horrek energia fotovoltaikoa erabiltzen du birzirkulatzeko bonbari eragiteko. Kolektore erabat autonomoa eta instalatzen erraza da. Eta noski huts egin ez zuena, Orkliko produktuetan izarra den zoru bero/freskotasun emaileetako panel isolatzaileen gama guztia, banaketa-ekipoak eta erregulaziorako aukera ezberdinak erakutsi zituen. Sariketaren irekieran, Kataluniako Generalitateko Ingurugiro eta Etxebizitza kontseilaria den Francesc Baltasarrek Orkli aukeratu zuen bisitatu beharreko erakusketari moduan. Kontseilaria, Etxebizitza Saileko idazkari nagusi den Javier Eugenio Ramosekin, erakusketako zuzendaria den Pere Miquel Guiu eta beste zenbait pertsona ospetsurekin batera zioan. Horiek guztiek interes handia erakutsi zuten aurkeztutako produktu guztietan, eta era guztietako galderak egin zituzten. Galdera guzti horiei Orkliko Berokuntzako Zuzendari Komertziala den Beñat Zudairek xehetasun guztiekin erantzun zien. |
|
 |
Maiatza-2010 Orkli, Instalmat 2010 azokan (Bartzelona), Produktu Sariak 2010erako hautagaia da Instamatek antolatzen duen Produktu Sariak 2010erako aukeratua izan da Orkli aurkezten duen drain-back sistemako drain-unit irtenbidearekin. Irtenbide horrek, eguzki-kolektoreetan gain-tenperaturen eta izozteen arazoak ekiditeko kolektoreak husten ditu. Produktu horren beste hainbat abantailen artean daude: malgutasuna, merkatuko edozein eguzki-kolektoreekin bateragarria dela; 4-5 kolektore dituzten instalazioetara egokitu daiteke eta materialen aurreztea (ez dira behar ez purgagailuak ezta espantsio-ontziak ere). Hautagairik hoberena bozkatu daiteke ondorengo estekan:
http://www.instalmat.es/premiosproducto/InstalmatPremiosProducto.html eta irabazi zozketatzen diren 3 Toshiba NB200 eramangarri.
2010eko maiatzaren 12tik 15era InstalMATen, Bartzelona, egongo den P1.B237 standa bisitatzera gonbidatzen zaitugu eta horrekin batera, erosotasunerako irtenbideetako azken berritasunak eta hobekuntzak egiaztatzera.
|
|
 |
Apirila-2010 Orklik trebakuntza arloan albiste izaten jarraitzen du. Beste behin, Orkli profesionalei trebakuntza emateko aukeratua izan da Kataluniako inguruan. Ingurune horretako erosketa-talde handienetakoa den Mafonsak, Orkliren laguntzarekin, hiru saiotan eman diren Zoru bero/freskotasun emaile eta Energia Berriztagarrien inguruko ikastaroak jarri zituen martxan apirilaren 22an eta 29an eta maiatzaren 6ean. Baieztatutako asistentzia saioko 50 profesionalena izan da eta ikastaro horien kokalekua helburu horretarako prestatutako Gironako Castell Hostalric-eko (gaztelu-gotorleku turistikoa) gela bat izan da. Produktu-teknikarien arduradunaren eta gure Levanteko delegatua den Josep M. Gruart eta subdelegatuen eskutik lehen saio hori 25 instalatzailek osatutako bi txandatan egin da. Modu horretan, elkarrekintza erraztu eta ikastaroaren errendimendua hobetzeko asmoz. Amaieran azpimarratzekoa izan da profesionalek erakutsi dituzten interesa eta arreta. Horrez gain, ikastaroetan Mafonsako ordezkarien eta teknikarien asistentzia izateko aukera izan genuen. Txanda batetik besterako uneetan gazteluan bisita gidatu bat egiten da eta eguna amaitzeko, XII. Mendean eraikitako eta ondoren berreraikitako gaztelu harresituan bertan dagoen jatetxean afari oparo bat. Gazteluan oraindik zutik mantentzen dira zortzi dorre zilindrikoak, horien artean azpimarratzekoa dels Frares dorrea eta sarrerako ataria, izan ere, horiek ematen baitiote inguruneari Erdi Aroko itxura. |
|
 |
Apirila-2010 Orklik jardunean dauden arkitektoei zoru bero/freskotasun emailean emandako lehen ikastaroaren balorazioa egin du Construiblek antolatuta apirilaren 14 eta 15ean, Madrilen, tenperatura baxuko klimatizazioari buruzko ikastaroan jardunean dauden 80 arkitekto inguruk parte hartu zuten. Ikastaro horietan aztergai izan zituzten mikrokogenerazioa, instalazio geotermikoak eta banaketa sistemak (gainazal bero-emaileak), azken hori Orklik eman zuen. Ikastaro horren helburua izan zen arkitektoengana, teknologietara, materialetara eta eraikuntza jasangarriarekin eta eraikuntzako energia-eraginkortasunarekin zerikusia duten sistema berritzaileetara gerturatzea. Orkliri dagokionez, Amaia Aizpurua izan zen trebakuntzaren edukiak eman zituena, izan ere, bera baita zoru bero/freskotasun emailearen saileko “product manager”a. Sistema horiek 2009ko otsailean lortutako AENOR ziurtagiria azpimarratu zuen, izan ere, erresistentzia termikoan eta akustikoan arauen eskakizun guztiak betetzen baitituzte. Ugariak izan ziren ikastaroan zehar Amaia Aizpuruak azpimarratu zituen alderdiak, hala nola: sistema honek besteekiko dituen abantailak, zoru motak, eta abar. Horiekin batera, garrantzitsuak diren beste alderdi batzuk ere azpimarratu zituen: proiektuaren fase ezberdinak, energia-ziurtagiria eta agindua ematen duen pertsonak irtenbideak emateko erabili ditzakeen argumentuak. Ikastaroaren amaieran antolakuntzak banatutako kalitate-galdetegian jasotako erantzunen arabera Orkliri 5etik bataz beste 4,5eko emaitza lortu zuen. |
|
 |
Apirila-2010 Geroz eta gehiago dira trebakuntza jasotzeko Orkli aukeratzen duten profesionalak Pasa berri den astearen hasieran jardunean dauden Arkitektoei trebakuntza eman bazitzaien, joan den ostegun eta ostiralean, Gaztela eta Leon eskualdeetako hogeiren bat instalatzaile eta banatzaile izan genituen Orklin. Zoru bero/freskotasun emailerako ikastaro trinko bat jaso zuten. Horrekin batera, Orkli osagaietan garatzen ari den irtenbideak ezagutu zituzten, bereziki, eguzki-energia sistemetan. Otsailaz geroztik 400 profesional baino gehiago dira Orklin izan direnak trebakuntza saioetan. Bertan, egunerokotasunean sortzen zaizkien arazoei irtenbideak bilatzeko edo erantzunak emateko ikastaroan parte hartzeko aukera dute. Baina gehien baloratzen dutena da Orkli bezalako enpresa batekin aurkitzea, bere instalakuntzak bisitatzea eta beraien katalogoko edozein produkturen fabrikazio-prozesu ezberdinak ezagutzea. Bereizten gaituena gure katalogoko produktuak fabrikatzea da. |
|
 |
Apirila-2010 Martxoaren 23tik 27ra Orkli Milango Mostra Convegno 2010 Azokan izan da. Orokorrean azokaren ondoren izandako txostenetan azpimarratu da azoka bisitatu duten ikusleen kopuru handia. Horrekin batera, energia berriztagarriekin zerikusia duten irtenbide ezberdinetan (eguzki-sistemak, geotermia eta biomasa) izandako erakusketari kopurua. Oraingoan ere, Orklik azokan izan duen presentziak balio izan du ur beroketa, berokuntza eta eguzki-sistemetako osagaien arloetan dituen irtenbide ezberdinak aurkezteko, eta bereziki, eguzki-kolektoreetarako drain back sistema. Beste behin, Orkliren balorazioa positiboa da, izan ere, azoka hau baita erosotasun sektoreko irtenbide egile bezala erakusleihoetako bat. Honi esker, egungo eta etorkizuneko bezeroei balio erantsi altua duten irtenbide teknologikoak eskaintzeko aukera baitu. |
|
 |
Martxoa-2010 Orklik jardunean dauden 100 arkitektori Zoru bero-freskotasun emailean trebakuntza emango die Apirilaren 14 eta 15ean, Orklik Zoru bero-freskotasun emailean trebakuntza emango die jardunean dauden arkitekto talde bati ERAIKUNTZAN KLIMATIZAZIO ERAGINKORRARI buruzko ikastaroan. Amaia Aizpurua, jarduera horren arduradun teknikoa, izango da edozein proiektu arkitektonikotan sistema hori nola integratu eta dimentsionatu azaldu eta sakonduko duena. Orkli erosotasunera bideratutako irtenbideak egiten dituen enpresa da, zoru bero-freskotasun emailean, berokuntza eta ur bero sanitarioan eta eguzki-energia sistemetan. Horrez gain, beste bi negozio unitate ere baditu, ur beroketako eta segurtasun termoelektrikorako osagaietara zuzenduak. Orkli sektorearen abangoardiako irtenbideen hornitzaile izatea bermatzen dute: dituen 600 langile inguruk, atzerriko planta produktiboetako duen nazioartekotze modeloak, erosotasunaren munduen duen 30 urtetik gorako esperientziak, lehen lerroan dagoen finantza-talde baten babesak eta aktibitate eta produktu berriak garatzeko duen berrikuntza politikak.
Zoru bero-freskotasun emailearen jarduerak urte gutxi baditu ere, Orkli dagoeneko erreferente bilakatu da merkatuan duen eskaintza integralarengatik. Eskaintza horrek proiektuaren aldi ezberdinak barne hartzen ditu, proiektuaren aholkularitza, osagai guztien horniketa, obran bertan asistentzia eta 15 urteko bermea duen estaldura ziurtagiri batekin amaitzen da.
Orkli izan da Zoru bero-freskotasun emaile sistemetan AENORen ziurtagiria jaso duen lehen enpresa. Hori dela eta, Zoru bero-freskotasun emaileko hornitzaile integral bezala Orklin konfiantza izatea BERMEAREN sinonimo da.
|
|
 |
Martxoa-2010 Orkliren hurrengo “geldiunea”: Milango Mostra Convegno 2010 Otsailean Parisko Interclima izan bazen, martxoan Milango Mostra Convegno izango da.
Orklik bere azken berrikuntzak erakutsiko ditu martxoaren 23tik 27ra Milanen egingo den Mostra Covegno azokan. 120 metro karratuko galerian erakutsiko ditu energia berriztagarrien sektorearekin zerikusia duten azken berrikuntzak, eguzki-sistemetako sektorearen eskaera zorrotzei aurre egiteko Orklin garatu eta egindako produktu-gama zabala eta horiez gain, katalogoan agertzen diren beste hainbat produktu, guztiak Orklin eginak. Bisita gaitzazu 7. PAB. B41-C50 STANDean.
|
|
 |
Otsaila-2010 risko Interclima 2010 azokan izandako parte-hartzea positiboki baloratu du Orklik. Otsailaren 9tik 12ra, Orklik, azken 5 urteetan egin ohi duen moduan, Parisko Interclima azokan parte hartu du.
Aurreko urteetan baino stand-azalera handiagoarekin Orkli azokaz baliatu da merkatuan zoru bero/freskotasun emaile sistema ezagutarazteko. Merkatu nazionalean dagoeneko ezaguna da sistema horien egile moduan, erosotasunera zuzenduriko zenbait produkturekin batera. Gainera, AENORen ziurtagiria eskuratu duten lehen lau enpresen artean dago. Azokaren ondoren eginiko txostenean aipatzen da orokorrean azoka barruan produktu bereizgarriena, eguzki-sistema erakusleihoen eskaintza izan dela. Orkliri dagokionez berriz, beti abangoardian, eguzki-gametan duen aurkezpen zabala aipatu dute, instalazio handi nahiz txikietarako multzo hidraulikoetatik hasi eta Orklirena soilik den “drain-back” sistema berriraino (sistema hori 4-5 kolektoretako instalakuntzetan erabilgarri izateak merkatuko bakarra izatea dakar). Ekitaldia amaitzean, Orklik bere standa bisitatu zuten profesionalak saritu nahi izan zituen ORBEA markako bizikleta baten zozketan parte hartzera gonbidatuz. Zozketaren irabazlea Toulouseko Monsieur Michel Delsol izan zen eta gure Frantziako delegatuak eman zion saria.
|
|
 |
Otsaila-2010 ORKLIk bere Espainia eta Portugaleko sare komertziala bildu du ORDIZIAN urteroko batzar komertziala egiteko Pasa den otsailaren 4 eta 5ean ORKLIk bere Espainia eta Portugaleko sare komertziala bildu zuen ORDIZIAN urteroko batzar komertzialean enpresak merkatuan duen egoera aztertzeko.
Batzarrak iraun zuen bi egunetan, alde batetik, 2009an merkatuan izan ziren gorabeherak aztertu eta beste aldetik, 2010rako planen eta berrikuntzen berri eman eta helarazi zuten. Beñat Zudaire eta Josu Zaldua izan ziren, produktu-teknikariekin batera, aurreko urteko emaitzak eta berrikuntzen aurkezpenaren ardura izan zutenak. Horrez gain, Patxi Lopez, zuzendari nagusiak, azpimarratu zuen zein esperientzia aberasgarria den sare komertziala biltzea, horrela, taldearen kontsolidazioa indartzen baita eta sarea Orkliren proiektuan inplikatu. 2009an, zegoen egoera ekonomiko orokorra kontuan hartuagatik ere, Orklin salmenten gorakada nabarmen bat izan zen negozio berrienetan, esaterako , eguzki eskaintza zabalean eta zoru bero/freskotasun emaile sistemetan.
Azalpenen ondoren, Beñat Zudairek, Orkliren izenean, zoru bero /freskotasun emaile proiektuan egindako ekarpenagatik sari bat eman zien Gaztela eta Leon eskualdeetako agente komertzial diren Jose M. Herrezuelo y Alberto Macón-i. Jardunaldi hauek bukatzeko dastatze-lehiaketa bat egin zen agente komertzial eta Orkliko pertsonek osatutako taldeen artean. Ohikoa den moduan, ekitaldiari Luntxarekin eta argazkiarekin eman zitzaion amaiera.
|
|
 |
Otsaila-2010 Patxi Lopez: Zuzendari Nagusi Urtarrilaren 7az geroztik, Orklik, Segurtasun Termoelektrikoko, Ur Beroketako, Berokuntzako, Zoru bero/freskagarriko eta Eguzki Sistemetako osagaien fabrikatzaileak, Patxi Lopez izendatu du Zuzendari Nagusi. Modu horretan, Mondragoneko Osagaien Dibisioko proiektu berriez arduratuko den Iñaki Ocaña ordezkatuko du. Orklira etorri aurretik, Patxi Lopez Fagor Etxetresnen Poloniako produkzio-plantako Zuzendari Nagusia izan da. Hori horrela izanik, Orkliri etxetresnetan eta erosotasunerako irtenbideetan duen esperientzia eskaini ahal izango dio. Zalantzarik gabe, Orklik nazio nahiz nazioarte mailako merkatuetan dituen hazkunderako helburuak lortzen lagunduko du. |
|
 |
Urtarrila-2010 Pariseko 2010ko Interclima Azokan Orkli erakusketari moduan izango da. Beste behin, Orklik otsailaren 9 eta 12an Parisen izango den Interclima Azokan erakusketari moduan parte hartuko du. Orain arteko edizioetan, Orklik berritasunez beteta eraman izan du bere katalogoa. Oraingoan ordea, standaren azalera handitzeaz gain merkatu frantsesari aurkeztuko dizkio (Espainian dagoeneko erreferente bat da) Zoru bero/freskagarri sistema eta katalogoaren handitzea EGUZKI gaman. Katalogo horretan, energia berriztagarrietan erabat berritzaileak diren produktuak aurki daitezke.
Profesionalei instalakuntza errazteko eta konponbide errazak emateko asmoarekin, produktuen kit berriak aurkeztuko ditu segurtasun multzoetan, eta horiekin batera, erosotasunera zuzendutako bestelako produktuak.
Orklik 7.3-G10 standean izango dituen berrikuntzak ikustera eta azokaren azken egunean egingo den zozketan parte hartzera gonbidatzen zaituzte.
|
|
 |
Urtarrila-2010 Orkliko 2010rako tarifa-katalogo berria Berokuntzako osagaiak, zoru bero/freskagarri sistemak eta eguzki-sistemak egiten lider den Orklik 2010rako berritasunez betetako tarifa-katalogo berria merkaturatu du. Diseinuarekin hasi eta produktuen berrikuntzekin, gamen handitzearekin eta Eguzki gametan eta zoru bero/freskagarri sistemetako produktu erabat berritzaileekin eguneratu du katalogoa. Produktu hauekin eraginkortasun energetikoa hobetzen laguntzen dute, horrela, Orklik bere produktuak garatzeko daraman estrategiarekin bat eginez.
Tarifa berriak otsailaren 1ean jarriko dira indarrean eta gamen handitze eta berrikuntza horien helburua erosotasun-sailean dauden tipologia ezberdinei erantzutea da. Nahi izanez gero, tarifak gure web orrialdetik jaitsi daitezke: http://www.orkli.com/cas/acs/descargas.asp
|
|
 |
Urtarrila-2010 Etxebizitza Ministerioak AENOR ziurtagiriak aintzat hartu ditu eta Orklik 2009 urtearen hasieratik horietako batzuk ditu. 2009ko otsailaz geroztik Orklik zoru beroemaile sistemetan AENOR ziurtagiria du. Ziurtagiri hori zoru bero emaile sistemetan bete beharreko erresistentzia termiko eta propietate akustikoen arauak betetzeagatik lortu du. AENORek jakinarazi duenez, Etxebizitza Ministerioak AENORen N Marka EKT Kalitate-bereizgarri bezala aitortu du. Aitorpen horrek Orklik Eraikuntza Kode Teknikoaren oinarrizko eskakizunak betetzeko baliabideak erabiltzen dituela bermatzen du. Ondorioz, zoru bero emaile sistemak jaso du Administrazioak ematen duen kalitate-aitorpen hori. AENORen zoru bero emaile sistemen ziurtagiriaz gain, Orklik, bere katalogoan, produktuen AENORen ziurtagiriak ditu; zoru bero emailerako hodietan eta balbula termostatikoetan, besteak beste. Orkli, azken hiru hamarkadan nazio-mailako lehen balbula termostatikoen fabrikatzailea izan denez, beti egon da abangoardian segurtasunari eta bere produktuen kalitateari dagokionez. Betiere eraginkortasun energetikoa eta ingurugiroarekiko errespetua bilatuz, garapen jasangarria estrategia bezala hartu baitu. |
|
|
|
